Assalamu alaikum, Abang-None, Encang-Encing, Nyak-Babe di lime taneh Betawi dan sekenanye......Aye cuman mao ngucapin met ulang taon buat Jakarta nyang ke 482. Tua banget emang kota kite ini, semakin modern, tapi juga punya banyak masalah yang mesti kite hadepin di kote kite ini. Paling seringnye tuh, macet ame banjir yang belon juga ade akhirnye. Kite terlalu ngandelin pemerinteh aje, padahal kalo kite punye itikad baek, kite juga bisa berbuat demi kote tercinte ini.
Kayak buang sampeh ditempatnye, jaga keamanan kampung kite, pake kendaraan seperlunye aje, jangan kite satu rumeh punye kendaraan sendiri-sendiri (satu orang satu kendaraan) padahal pulang perginye satu jalur. Nah yang kayak gini namanye sombong tuh orang, boros juga, bikin macet jalanan, bikin banyak asep yang bise bikin dada kite sesek tuh. Duh,....ampun dah.....kalo mau nyaman tinggal di kampung kite ini, kite musti jage baek-baek segalanye nyang ade di kampung kite. Kalo bukan kite yang ngejage kampung kite, siape lagi?
( Bang Lukman, buat tetangge di kampungnye )
.jpg)
.jpg)
.jpg)
Tidak ada komentar:
Posting Komentar